सोलापूर- विजापूर राष्ट्रीय महामार्ग रोखून धरला
सोलापूर : मंद्रूप येथील अल्पवयीन मुलीला पळवून नेल्याच्या घटनेतील आरोपींना तत्काल अटक करून कठोर कारवाई करावी, या मागणीसाठी प्रहार शेतकरी संघटनेने सोमवारी सोलापूर- विजापूर राष्ट्रीय महामार्ग रोखून धरला. आंदोलनामुळे दोन्ही बाजूचा हायवे पूर्णपणे एक तास ठप्प झाला होता.
प्रहार शेतकरी संघटनेचे शहर प्रमुख अजित कुलकर्णी, संपर्कप्रमुख जमीर शेख व कार्याध्यक्ष तायप्पा कोळी यांच्या मार्गदर्शनाखाली हे रास्ता रोको आंदोलन करण्यात आले. मंद्रूप येथील अल्पवयीन मुलीच्या प्रकरणात पोलिसांनी अद्याप आरोपींना अटक न केल्याने संतप्त कार्यकर्ते रस्त्यावरच ठिय्या मांडून बसले.
आंदोलनाची माहिती मिळताच मंद्रूप पोलिसांनी घटनास्थळी मोठा बंदोबस्त तैनात केला. सुमारे दोन तास महामार्गावरील वाहतूक पूर्णपणे विस्कळीत झाली होती.
Source link
