Delhi update | एकत्र जेवण, गच्चीवर झोपायला गेले अन् अचानक दोघे खाली पडले, पतीचा मृत्यू, पत्नी जखमी

मृताची ओळख वरुण शर्मा अशी पटली असून, त्याची पत्नी गीता (२९) हिच्यावर जीटीबी रुग्णालयात उपचार सुरू आहेत, असे पोलिसांनी सांगितले.

एका वरिष्ठ पोलीस अधिकाऱ्याने सांगितले की, ते जोडपे पूर्व दिल्लीतील गांधी नगर पोलीस ठाण्याच्या हद्दीतील जुन्या सीलमपूरमधील नानक वस्तीत आपल्या कुटुंबासह राहत होते .

प्राथमिक तपासात असे समोर आले आहे की, त्या जोडप्याने रात्री ९ वाजण्याच्या सुमारास कुटुंबासोबत जेवण केले आणि त्यानंतर ते घराच्या छतावर झोपायला गेले.

पोलिसांनी सांगितले की, त्या जोडप्याला तात्काळ रुग्णालयात नेण्यात आले, जिथे डॉक्टरांनी वरुणला मृत घोषित केले, तर गीताला जीटीबी रुग्णालयात पाठवण्यात आले .

पोलिसांच्या म्हणण्यानुसार, वरुणला त्याचा भाऊ अरुण शर्मा याने डॉ . हेडगेवार रुग्णालयात मृत अवस्थेत आणले होते, तेथून मिळालेल्या वैद्यकीय-कायदेशीर प्रकरणाच्या (एमएलसी) माहितीमधून ही घटना उघडकीस आली .

गीतालाही त्याच रुग्णालयात नेण्यात आले होते, परंतु तिच्या जखमा गंभीर असल्याने तिला जीटीबी रुग्णालयात हलवण्यात आले. या जोडप्याचे लग्न फेब्रुवारी २०१९ मध्ये झाले होते आणि त्यांना अडीच वर्षांचा एक मुलगा होता. पोलिसांनी सांगितले की, वरुणचा मृतदेह शवविच्छेदनासाठी जीटीबी रुग्णालयात पाठवण्यात आला असून, पुढील तपास सुरू आहे.