इस्रायलच्या हल्ल्यात ११ पॅलेस्टिनी ठार, जागतिक स्तरावर युद्धाने पुन्हा पेट घेतला

जागतिक स्तरावर पुन्हा एकदा युद्धाने पेट घेतल्याचे वृत्त समोर आले आहे.  वॉशिंग्टन डीसी येथे इस्रायली अधिकाऱ्यांसोबत झालेल्या बैठकांच्या मालिकेत लेबनीज अधिकाऱ्यांनी युद्ध थांबवण्यास सहमती दर्शवल्यानंतर २४ तासांच्या आतच, लेबनॉनमध्ये झालेल्या इस्रायली हवाई हल्ल्यांमध्ये अनेक लोक ठार झाले असून इतर जखमी झाले आहेत .अद्याप लागू न झालेल्या शस्त्रसंधीवर बोलताना हिजबुल्लाहचे प्रमुख नईम कासेम म्हणाले की, लेबनॉनसाठी ही “शरणागती आणि पराभव” आहे, आणि जोपर्यंत इस्रायल लेबनॉनवर बॉम्बहल्ला करत राहील, तोपर्यंत उत्तर इस्रायल धोक्यात राहील .

इराणच्या आयआरजीसी कुड्स फोर्सच्या कमांडरच्या म्हणण्यानुसार, फेब्रुवारीच्या अखेरीस इराणविरुद्ध अमेरिका-इस्रायल युद्ध सुरू होण्यापूर्वी इस्रायलने ज्या जागांवर सैन्य तैनात केले होते, त्या जागांवर इस्रायलने माघार घ्यावी, अशी हिजबुल्लाहची किमान मागणी आहे.

गाझाच्या आरोग्य मंत्रालयाने दिलेल्या माहितीनुसार , गेल्या २४ तासांत इस्रायली हल्ल्यांमध्ये किमान ११ पॅलेस्टिनी ठार झाले असून, अनेक जण जखमी झाले आहेत.