वृत्तसंस्था/ हैदराबाद
तेलंगणा उच्च न्यायालयाने माजी मुख्यमंत्री के. चंद्रशेखर राव आणि माजी मंत्री टी. हरिश राव यांना मोठा दिलासा दिला आहे. कालेश्वरम लिफ्ट सिंचन प्रकल्पाच्या अंमलबजावणीतील कथित अनियमिततेची चौकशी करणाऱ्या आयोगाच्या अहवालाच्या आधारावर केसीआर आणि टी. हरिश राव तसेच दोन अन्य याचिकाकर्त्यांच्या विरोधात कुठल्याही प्रकारची कारवाई करण्यापासून राज्य सरकारला रोखले आहे. संबंधित आयोगाने अधिनियमाच्या अंतर्गत निर्धारित प्रक्रियेचे पालन केले नसल्याचे उच्च न्यायालयाला आढळून आले.
याप्रकरणी केसीआर, सेवानिवृत्त आयएएस अधिकारी हरिश राव, माजी मुख्य सचिव एस.के. जोशी तसेच कार्यरत आयएएस अधिकारी स्मिता सभरवाल यांच्याकडून अहवालाला आव्हान देत दाखल करण्यात आलेल्या याचिकांवर उच्च न्यायालयाने सुनावणी केली आहे. याचिकांद्वारे आयोगाचा अहवाल रद्दबातल ठरविण्याची मागणी करण्यात आली होती.
Source link
