वृत्तसंस्था, इंग्लवुड, कॅलिफोर्निया : अमेरिकेला आपला विश्वचषक गट फेरीतील अंतिम सामना कोणत्याही दुखापतीशिवाय किंवा रेड कार्डशिवाय पार पाडायचा होता, तर दुसरीकडे तुर्की निराशाजनक स्पर्धेचा शेवट सन्मानपूर्वक विजयाने करण्यासाठी खेळत होता. अमेरिकन संघाने बाद फेरीकडे वाटचाल करण्यापूर्वी झालेल्या या अर्थहीन सामन्यातून दोन्ही संघांना हवी असलेली गोष्ट मिळाली. अमेरिकन संघाला अखेरच्या क्षणी 2-3 असे पराभूत व्हावे लागले.
कान आयहानने सामन्याच्या शेवटच्या क्षणी गोल करून स्टॉपेज टाइमच्या आठव्या मिनिटाला तुर्कीला अमेरिकेवर विजय मिळवून दिला आणि त्यांनी विश्वचषकातील आपला एकमेव विजय नोंदवला. हा निकाल अमेरिकन संघासाठी अर्थहीन होता. ते 32 संघांच्या फेरीत बोस्निया-हर्झेगोविनाचा सामना करतील. अमेरिकेचे प्रशिक्षक पोचेटिनो यांनी या लढतीत नऊ नवीन खेळाडूंना मैदानात उतरवले, ज्यापैकी आठ खेळाडू पहिल्यांदाच विश्वचषक सामन्यात खेळत होते.
अमेरिकन संघासाठी ऑस्टन ट्रस्टीने तिसऱ्या मिनिटाला गोल केला, तर बरहाल्टरने 49 व्या मिनिटाला मोकळ्या चेंडूवर जोरदार फटका मारत गोल करून यजमानांना बरोबरी साधून दिली. तुर्कीच्या संघाने जिद्दीने खेळताना पहिल्या सत्राचमध्ये अर्दा गुलेर आणि ओरकुन कोक्चू यांच्या माध्यमातून गोल केले. सुऊवातीचे दोन सामने गमावल्यामुळे हा संघ स्पर्धेतून आधीच बाहेर पडला होता.
Source link
