आशिष कुमार दास इन्फोसिसचे नवे सीईओ होणार

1 एप्रिल 2027 पासून पदभार स्वीकारणार : पहिल्या तिमाहीत कंपनीचा नफा 12.2 टक्क्यांनी वधारला

वृत्तसंस्था, नवी दिल्ली

भारतातील दुसऱ्या क्रमांकाची सर्वात मोठी आयटी सेवा कंपनी इन्फोसिसने आशिष कुमार दास यांची नवे सीईओ म्हणून घोषणा केली आहे. कंपनीने 23 जुलै, 2026 रोजी पहिल्या तिमाहीच्या निकालांसोबत या नेतृत्व बदलाची घोषणा केली.

ते सध्याचे सीईओ आणि एमडी सलील पारिख यांची जागा घेणार असून ते 1 एप्रिल 2027 पासून मुख्य कार्यकारी अधिकारी आणि व्यवस्थापकीय संचालक म्हणून पदभार स्वीकारतील. त्यांचा कार्यकाळ 5 वर्षांचा असेल, जो 31 मार्च 2032 पर्यंत चालेल.

कंपनीचा नफा 12 टक्क्यांनी वाढून 7,769 कोटी रुपयांवर

मागील आर्थिक वर्षातील याच तिमाहीतील 6,921 कोटी रुपयांच्या तुलनेत, जून तिमाहीसाठी कंपनीचा एकत्रित निव्वळ नफा वार्षिक 12.2 टक्क्यांनी वाढून 7,769 कोटी रुपयांवर पोहोचला आहे. मागील तिमाहीतील 8,501 कोटी रुपयांच्या तुलनेत कंपनीच्या निव्वळ नफ्यात 8.6 टक्केची घट झाली आहे. महसूल 14 टक्क्यांनी वाढून 48,211 कोटी रुपयांवर पोहोचला.

इन्फोसिसचा महसूल वार्षिक 14 टक्क्यांनी वाढून 48,211 कोटी रुपयांवर पोहोचला आहे. एका वर्षापूर्वी याच कालावधीत कंपनीने 42,279 कोटी रुपयांचा महसूल मिळवला होता. तिमाही आधारावर, कंपनीने महसुलात 4 टक्क्यांची वाढ नोंदवली आहे.

इन्फोसिसचे नेतृत्व करणे हा एक सन्मान : पारेख

निवृत्त होणारे एमडी आणि सीईओ सलील पारेख म्हणाले की, ‘गेल्या आठ वर्षांपासून इन्फोसिसचे नेतृत्व करणे हा एक सन्मान होता. या काळात कंपनीचा महसूल 10 अब्ज डॉलर्सवरून 20 अब्ज डॉलर्सपेक्षा जास्त झाला आहे.

सलील पारेख पुढे म्हणाले की, आम्ही डिजिटल ट्रान्सफॉर्मेशनच्या क्षेत्रात आमचे स्थान अधिक मजबूत केले आहे आणि एआय ट्रान्सफॉर्मेशनसाठी एक वेगळी रणनीती तयार केली आहे. आशिषसोबत अनेक वर्षे काम केल्यामुळे, मी त्यांची सचोटी, ग्राहकाभिमुखता आणि बदलाच्या काळात नेतृत्व करण्याची क्षमता प्रत्यक्ष पाहिली आहे. त्यांना आमचे ग्राहक, व्यवसाय आणि कर्मचारी यांची सखोल जाण आहे. मला खात्री आहे की ते इन्फोसिसला परिवर्तनाच्या पुढील टप्प्यावर यशस्वीपणे घेऊन जातील.

इन्फोसिस ताकदीने नव्या युगाची  सुरुवात करत आहे : आशिष कुमार

नवीन जबाबदारी स्वीकारताना आशिष कुमार दास म्हणाले की, तंत्रज्ञान आता एका नव्या युगात प्रवेश करत आहे, जिथे एआय आपण व्यवसाय करण्याची आणि मूल्य निर्माण करण्याची पद्धत पूर्णपणे बदलत आहे. इन्फोसिस मोठ्या ताकदीने या नव्या युगात प्रवेश करत आहे. आमच्याकडे एक स्पष्ट एआय धोरण, उत्तम प्रतिभा, ग्राहकांशी असलेले घनिष्ठ संबंध आणि अशी मूल्ये आहेत, ज्यांनी जगभरात विश्वास जिंकला आहे. आशिष 31 वर्षांपूर्वी सीनियर एंगेजमेंट मॅनेजर म्हणून रुजू झाले. आशिष कुमार यांनी इन्फोसिसमध्ये जवळपास 31 वर्षे घालवली आहेत. त्यांनी 1995 मध्ये कंपनीत सीनियर एंगेजमेंट मॅनेजर म्हणून आपल्या कारकिर्दीला सुरुवात केली. कालांतराने, ते एक्झिक्युटिव्ह व्हाईस प्रेसिडेंट आणि ग्लोबल हेड ऑफ सर्व्हिसेस, युटिलिटीज, रिसोर्सेस, एनर्जी अँड एंटरप्राइज सस्टेनेबिलिटी या पदापर्यंत पोहोचले