छत्तीसगड राज्यातून माणुसकीला आणि पती पत्नीच्या नात्याला काळीमा फासणारी एक घटना समोर आली आहे. या घटनेने राज्यासह देशभरात हळहळ व्यक्त होत आहे.
गेल्या आठवड्यात छत्तीसगडच्या सुरगुजा जिल्ह्यात वादातून एका गर्भवती महिलेला तिच्या पतीने मारहाण करून तिची हत्या केली. आरोपीने महिलेच्या गुप्तांगात हॅकसॉचे पाते घातले, असे वृत्तसंस्था पीटीआयने पोलीस आणि आरोग्य अधिकाऱ्यांच्या हवाल्याने म्हटले आहे.
ही भीषण घटना गेल्या आठवड्यात गुरुवार, १४ मे रोजी, मणिपूर पोलीस ठाण्याच्या हद्दीतील छत्तीसगडच्या भित्तिकला गावात घडली . पीडित मुलगी २३ वर्षांची होती.
आरोपी दारुच्या नशेत
हिंदुस्थान टाईम्सच्या वृत्तानुसार , या जोडप्याचे लग्न पाच वर्षांपूर्वी झाले होते आणि त्यांना एक चार वर्षांची मुलगी आहे. आरोपी दारूच्या नशेत असताना अनेकदा आपल्या पत्नीला मारहाण करायचा. गुरुवारी, अशाच एका भांडणादरम्यान त्याने तिची हत्या केली. हा गुन्हा करताना त्यांची मुलगीही घरातच उपस्थित होती.
प्राथमिक माहितीनुसार, या जोडप्याचे लग्न सुमारे पाच वर्षांपूर्वी झाले होते. आरोपी दारूच्या नशेत असताना वारंवार आपल्या पत्नीला मारहाण करत असे. १४ मे रोजी त्याने पत्नीला मारहाण केली आणि तिच्या गुप्तांगात करवतीचे पाते घातले. ही क्रूरता घडली तेव्हा जोडप्याची चार वर्षांची मुलगी घरी होती, असे पोलीस अधिकाऱ्याने सांगितल्याचे पीटीआयने म्हटले आहे.
रुग्णालयात नेईपर्यंत मृत्यू
गुन्हा केल्यानंतर बेशुद्ध पडलेल्या पत्नीला आरोपीने अंबिकापूर मेडिकल कॉलेज रुग्णालयात नेले आणि रस्ते अपघातात आपल्याला दुखापत झाल्याचे डॉक्टरांना सांगितले, असे एका अधिकाऱ्याने सांगितले. रुग्णालयात त्या महिलेला मृत घोषित करण्यात आले, असेही त्यांनी सांगितले.
पोलिसांनी दिलेल्या माहितीनुसार, आपल्या क्रूर हल्ल्यामुळे पत्नीचा मृत्यू झाल्याचे कळल्यानंतर पती रुग्णालयातून पळून गेला, त्यानंतर पीडितेचा मृतदेह शवागारात ठेवण्यात आला. “दुसऱ्या दिवशी सकाळी तिचे नातेवाईक आल्यावर शवविच्छेदन करण्यात आले आणि त्याच्या अहवालाच्या आधारे पतीवर गुन्हा दाखल करण्यात आला,” असे ते म्हणाले.
आरोपीची कबूली
शवविच्छेदनानंतर, रुग्णालयाच्या न्यायवैद्यक विभागातील शवविच्छेदन शल्यचिकित्सक डॉ. संतु बाग यांनी सांगितले की, ती महिला तीन महिन्यांची गर्भवती होती आणि तिच्या शरीरावर सुमारे १७ गंभीर बाह्य जखमा होत्या. तिच्या गुप्तांगातून सुमारे १० इंच लांबीची लोखंडी सळीसारखी वस्तू सापडली, असेही बाग यांनी सांगितले. ती वस्तू न्यायवैद्यक तपासणीसाठी पोलिसांच्या ताब्यात देण्यात आली. पोलिसांनी सांगितले की, आरोपीला रविवारी अंबिकापूर येथून अटक करण्यात आली असून, त्याने गुन्ह्याची कबुली दिल्याचे पोलिसांनी सांगितले.
Source link
