पद्म पुरस्कार जाहीर, १३१ पुरस्कार या दिवशी राष्ट्रपतींच्या हस्ते दिले जाणार

राष्ट्रपती द्रौपदी मुर्मू २५ मे रोजी २०२६ सालचे पद्म पुरस्कार प्रदान करतील. गृह मंत्रालयाने एका सोशल मीडिया पोस्टद्वारे ही माहिती दिली. मंत्रालयाच्या माहितीनुसार, राष्ट्रपती भवनात होणाऱ्या पहिल्या नागरी पुरस्कार प्रदान सोहळ्यात राष्ट्रपती पद्मविभूषण, पद्मभूषण आणि पद्मश्री पुरस्कार प्रदान करतील.

यावर्षी भारत सरकारने एकूण १३१ पद्म पुरस्कारांची घोषणा केली आहे. यामध्ये ५ पद्मविभूषण, १३ पद्मभूषण आणि ११३ पद्मश्री पुरस्कारांचा समावेश आहे. पुरस्कार विजेत्यांमध्ये १९ महिलांचा समावेश आहे, तर १६ जणांना मरणोत्तर सन्मानित केले जाईल.

पद्म पुरस्कार 

पद्म पुरस्कार हे देशातील सर्वोच्च नागरी सन्मानांपैकी एक आहेत. १९५४ मध्ये स्थापित, हे पुरस्कार दरवर्षी प्रजासत्ताक दिनी जाहीर केले जातात.  विविध क्षेत्रांमध्ये विशेष आणि उत्कृष्ट योगदान देणाऱ्या व्यक्तींना सन्मानित करणे, हा या पुरस्कारांचा उद्देश आहे.

हे पुरस्कार कला, साहित्य, शिक्षण, क्रीडा, वैद्यकशास्त्र, समाजकार्य, विज्ञान आणि अभियांत्रिकी, सार्वजनिक प्रशासन, आणि व्यवसाय व उद्योग यांसारख्या क्षेत्रांतील उल्लेखनीय कामगिरीसाठी दिले जातात.

अनसंग हिरोज श्रेणीत उत्तर प्रदेशातील प्रविण कुमार

अनसंग हीरोज’ श्रेणीतील पद्मश्री पुरस्कार विजेते उंच उडीपटू प्रवीण कुमार हे अशा काही मोजक्या खेळाडूंपैकी एक आहेत, ज्यांनी आपल्या शारीरिक मर्यादांना आपल्या कारकिर्दीत सामर्थ्यात बदलून भारतीय पॅरा स्पोर्ट्सची दिशा बदलली आहे.

१५ मे २००३ रोजी गौतम बुद्ध नगर जिल्ह्यातील जेवर येथील एका मध्यमवर्गीय कुटुंबात जन्मलेल्या प्रवीणचा एक पाय दुसऱ्या पायापेक्षा लहान होता, पण तो खूप वेगाने उडी मारू शकत होता आणि लवकरच त्याने उंच उडीला आपली आवड बनवले.

राष्ट्रपती द्रौपदी मुर्मू या २६ मे रोजी राष्ट्रपती भवनात होणाऱ्या एका समारंभात उंच उडीतील (टी६४ गट) विद्यमान पॅरालिम्पिक चॅम्पियन प्रवीण (२३) यांना पद्मश्री पुरस्कार प्रदान करतील, असे गृह मंत्रालयाने एका निवेदनात म्हटले आहे.