UP Crime क्रूरता की विकृती? आधी पत्नीवर कुऱ्हाडीचे वार अन् मग स्वत:लाही संपवलं

पीटीआयने दिलेल्या वृत्तानुसार, सौरीख पोलीस ठाण्याच्या हद्दीतील खादिनी पोलीस चौकीअंतर्गत येणाऱ्या रुर गावात सकाळी १० वाजण्याच्या सुमारास ही घटना घडली, असे पोलिसांनी सांगितले.

मृताची ओळख गोविंद दुबे (वय ५०) अशी पटली आहे. त्याने घरगुती वादातून झालेल्या भांडणादरम्यान रागाच्या भरात आपली पत्नी आरती (वय ४६) हिच्यावर हल्ला केला होता. आरती गंभीर जखमी झाली आणि तिच्या शेजाऱ्यांनी तिला तातडीने सामुदायिक आरोग्य केंद्रात दाखल केले. जखमांची तीव्रता पाहता, तिला नंतर तिरवा येथील शासकीय वैद्यकीय महाविद्यालयात पाठवण्यात आले. तिच्यावर उपचार सुरू असून ती धोक्याबाहेर असल्याचे पोलिसांनी सांगितले.

पत्नीवर हल्ला केल्यानंतर गोविंद घरातून बाहेर पडला आणि सुमारे ३०० मीटर अंतरावर असलेल्या एका झाडाला गळफास लावून घेतल्याचे वृत्त आहे. त्याचा मृतदेह ताब्यात घेऊन शवविच्छेदनासाठी पाठवण्यात आला आहे, असे पोलिसांनी सांगितले

आठवड्यातील दुसरी घटना

 पीटीआयने दिलेल्या वृत्तानुसार, गेल्या आठवड्यात उत्तर प्रदेशातील मथुरा जिल्ह्यात एका २७ वर्षीय तरुणाने वादानंतर आपल्या पत्नीची गोळ्या झाडून हत्या केली आणि नंतर डोक्यात गोळी झाडून आत्महत्या केली.

पोलिसांनी दिलेल्या माहितीनुसार, ही घटना गुरुवारी रात्री उशिरा गोवर्धन रोडवरील सूर्यनगर कॉलनीत घडली, जिथे एका जोडप्यात वाद झाला होता.

मृत आणि आरोपींची ओळख पटली

पोलीस अधीक्षक राजीव कुमार सिंह यांनी सांगितले की, मृत महिलेची ओळख मध्य प्रदेशातील दातिया जिल्ह्यातील कंधारी गावची रहिवासी पोखन म्हणून पटली असून, तिच्या पतीची ओळख झाशीतील छिब्रबारी भागातील रहिवासी मिथुन म्हणून पटली आहे.

पोलिसांनी सांगितले की, पोखन गेल्या काही दिवसांपासून मथुरेत तिची मैत्रीण रागिणीसोबत राहत होती आणि एका ब्युटी पार्लरमध्ये काम करत होती. यापूर्वी तिने गोंडा येथील एका स्पा सेंटरमध्ये काम केले होते.

पोलिसांच्या माहितीनुसार, पोखन आणि मिथुन यांचे पाच वर्षांपूर्वी प्रेमविवाह झाला होता, परंतु त्यांच्यात मतभेद निर्माण झाल्यानंतर ते वेगळे राहू लागले. झाशीमध्ये काम करणारा मिथुन आपल्या पत्नीच्या शोधात गुरुवारी मथुरेत पोहोचला.